 |
| فدوى سليمان |
مشاركة من صديق الجمرة: سوريا حرّة
دايما بفكر لو ما كنت "أنا" مين بتمنى كون؟
ممثل مشهور؟ رسام عالمي؟ فيزيائي ربحان جايزة نوبل؟ سياسي بمنصب كبير؟ او تاجر اخطبوطي؟ أشهر لاعب قدم؟
القائمة طويلة ... وكل يوم فكرة ... بس من 3 ايام وصلت لضالتي.
بدي كون فدوى سليمان. ايه حدا اخو مراقي شي؟؟
بدي كون فدوى سليمان, هي المرأة اللي هتفت بمظاهرة حمص فبرّدت قلوب ناس ... نادت بالوحدة الوطنية والدولة المدنية فخففت من قلق ناس ... طلعت بوجه مكشوف على محطة اعلامية فشجعت ناس ... نزّلت بيان يوم الخميس وأعلنت فيه عن اضرابها فردت الامل لناس ...
كلنا لازم نصير فدوى سليمان, مو من مبدأ الاستنساخ أو الموضة.. بل من مبدأ أنو أمثال هيك ناس شجاعة يتكلمون بوجوههم الحقيقية و مو من ورا القناع بيسرعوا باسقاط النظام ويضمن أقل عدد ممكن من الانتقامات الفردية والمآسي بعد سقوطه. وتحية لفدوى وأمثالها.
ليست هناك تعليقات:
إرسال تعليق